由業餘的香港聯賽，到現在投效全職業的CBA，阿威和阿海異口同聲表示應付得來，反而最苦惱如何打發太多空餘時間。
阿海說：「其實當初加入CBA都好有期望，覺得好專業，希望可以擴闊自己視野，提升自己水平。」不過現實是，CBA的水平沒有想像中的強，阿威說：「除了部份國家隊一線球員外，其他的技術水平都差不多，只是他們的體能較強、對抗性較大；講真，如果有早幾年威立的水平，來到CBA都『有得打』。」
對於以前一星期練兩課，到𠵱家一日練兩課，二人均一點也不覺辛苦，阿威說：「辛唔辛苦要睇自己有冇心打波啫，以前就算練得少，我平日都會抽兩三個鐘練跑、健身，反而球隊沒有訓練基地就比較唔方便，來來去去都係練習場同酒店，有時休息時想射下波、跑吓步都唔得，屈喺酒店房度瞓，唔攰都屈到攰。」
在東門的繁華鬧市，對兩個不喜蒲吧、行街及腳底按摩的少年來說，又真係悶咗少少。
就連財政司司長梁錦松都叫香港人北上找機會，飛龍兩港將的月薪由以往四位數字升到五位數字已經算唔錯，更有機會和鞏曉彬、胡衞東等國手比拼，適應新生活何嘗不是一種難能可貴的新挑戰。