上月蘋果基金曾撥款一萬元，資助獲編配公屋的單親媽媽阿儀，支付各項搬遷雜費，日前，記者便親訪她位於屯門的新居。雖然沒有豪華裝修，陳設亦十分簡單，但相對從前只有數十呎的狹小套房，這個二百呎的單位，已是阿儀母女的安樂窩。
「呢度地方好闊落，環境好過以前好多，住咗入嚟人都精神咗，我真係好滿足，好開心。」阿儀開懷地笑道。
三十七歲的阿儀，經歷過許多不如意的往事，丈夫年前自殺身亡，她自此帶着三歲女兒，靠綜援金過着單親生活。由於居住環境惡劣，阿儀月前獲房屋署恩恤編配公屋，雖然「上樓」夢圓，但卻為一筆搬遷費愁煩不已。繼蘋果基金早前撥款予以協助外，阿儀亦喜獲善長捐款四千五百元，她打算用善款添置一部煤氣煮食爐。「搬入嚟嘅時候，交晒屋租、水、電按金之後，已經冇乜錢剩，所以一直都係用住舊屋部石油氣爐，但咁啱呢幾日連部石油氣爐都壞埋，呢筆錢真係好似及時雨，我打算用嚟買一部煤氣爐，方便啲。」
此外，記者同時將一封署名「阿生」讀者所寫的慰問卡轉交阿儀，她閱後大表感激。「呢位『阿生』同我講，人生唔如意嘅事十常八九，過去咗嘅事就算，叫我積極啲，向好嗰方面諗，好快會雨過天青。我真係好多謝佢嘅關心，佢講得好啱，我都好希望搬咗嚟呢度之後，同個女會有新嘅生活，忘記晒以前唔開心嘅嘢。」阿儀由衷地說。
捐款編號：C0733
暖流熱線
電話：29908688
傳真：23702192
電郵：
網址：