古天樂早前返內地拍攝新一輯服裝廣告，順道了解做服裝生意的竅門。原來古仔很有興趣做生意，最近有朋友游說他合資代理歐洲服裝，在香港和日本發售，但古仔又怕蝕錢，認真傷腦筋！
古天樂今年已在內地拍了五個廣告，早前他擔任內地服裝「以純」的代言人，日前返內地拍攝新一輯廣告。其實古仔對服裝生意一直很感興趣，更曾經與朋友計劃在香港和日本等地代理歐洲品牌服裝，希望在演藝事業外，可以有其他方面的發展。
因為拍這個服裝廣告，古仔認識了一位只有三十一歲的年輕實業家，古仔說：「呢個品牌嘅老闆得三十一歲，就將間公司搞得咁成功，搵咗好多錢，我真係佩服佢，所以請教咗佢好多做服裝生意嘅意見。」
不過古仔因工作太忙，而做生意又要花不少時間和精神，所以他還未決定會否參與投資，希望多聽意見後再作打算。古仔日前在電話中說：「我好有興趣做生意，因為做演員呢一行未必可以做一世，所以我想為自己嘅未來鋪好路。而我對搞時裝生意興趣就大啲，所以就向呢方面埋手，啱啱做我唔會投資好多錢，只會夾少少錢學吓嘢先。」
雖然古仔很想做生意，但他自知沒有時間兼顧，所以惟有請朋友打理，古仔說：「我都知做生意係力不到不為財，所以我𠵱家都十五十六，我會多啲聽各方面嘅意見先，因為以前有太多藝人做生意失敗嘅個案，我要引以為鑑，免得血本無歸！」
此外，明天是冬至，古仔答應父母盡量抽空回家過節，他說：「我屋企好傳統，冬大過年，媽咪一早叫我要返屋企食飯。」