臨近聖誕女士們都想以最佳狀態，迎戰聖誕節各大小Party與Ball場，擁有一雙大眼睛的蒙嘉慧（YoYo），經常通宵拍戲但雙眼依然好精靈，絕招原來只係用青瓜敷眼咁簡單。其次面部穴位按摩亦是她保持狀態的小秘技，因為簡單易學又毋須用錢。想皮膚靚靚過聖誕，或者在Party前來個有效急救，YoYo的便宜美容心得絕對值得一試。
記者：梁珮瑜
攝影：林栢鈞
蒙嘉慧識得用青瓜敷眼，原來是鞏琍教路。「約三、四年前我睇過一個鞏琍的訪問，佢話自己用小黃瓜（即青瓜）敷眼，我就開始學，效果好好，眼睛周圍Firm咗，黑眼圈都有改善。」YoYo話會先把青瓜放進雪櫃，因冷凍後的青瓜更有收眼袋功效！
YoYo愛在淋浴時進行美容護膚，「我會在浸浴時敷Mask或塗潤膚露後做穴位按摩，因蒸氣令毛孔擴張，容易吸收面膜或潤膚露的養份，而且好Relax㗎。」
YoYo話最近她愛上用Clinique的Repairwear激活晚間修護系列。「我係率先試用㗎，第一晚用覺得好𣲷，第二日先知原來啲Cream已經吸收晒，塊面重好有光澤，所以唔錯！」
（下至上）：乾性皮膚用NightCream、ExtraHelp精華素、油性至混合性皮膚用NightLotion。
各$550（03年1月3日於Clinique專櫃有售）
YoYo不愛施脂粉，如需要化妝都只是輕描淡掃。「平時出街都只係化淡妝，因為我輪廓深，濃妝感覺會好惡。但如果要去聖誕Party嘅話，我就會喺基本嘅化妝上加深胭脂同眼影閃粉，令成個人更Sharp更搶鏡，頭髮就會去IIColpo搞掂。」