英皇組合男版Twins日前到舊機場的「環球嘉年華」，大玩機動遊戲，兩人慘被「fing」至又暈又嘔。而Steven則是掟公仔之王，收穫豐富。
英皇男版Twins兩位成員Kenny（關智斌）和Steven（張致恒），日前與唱片公司同事往舊機場的「環球嘉年華」狂歡。二人玩機動遊戲時，Steven玩到頭暈兼嘔吐，臉青口唇白，反而Kenny就愈玩愈起勁。
當日Steven玩完兩次機動遊戲後，即感到暈眩，嘔吐大作，要由唱片公司同事攙扶一旁休息。而Kenny則若無其事，繼續玩「飛天過山車」，後來他連續玩了兩次「反轉風火輪」後，終難頂倒豎葱帶來的不適而投降，要在旁休息一會，還頻說想嘔。
這時恢復元氣的Steven就步往另一邊遊戲攤檔玩掟公仔，原來他是掟公仔高手，幾乎逢掟必中，最後他還將不少毛公仔戰利品送給在場fans。
日前記者聯絡上男版Twins，Steven在電話中說：「Kenny成日話我冇膽，佢叫我玩機動遊戲，我咪有膽畀佢睇囉，但付出嘅代價就係嘔。我以前成日掟嘢玩，所以掟公仔會叻啲。」
Kenny亦在電話中說：「我玩機動遊戲都驚㗎，開頭四個人玩，後尾剩番我一個，玩嗰個『反轉風火輪』時，要倒吊成個人，玩一次已經好驚，點知開機個鬼佬重即刻開多次，玩完就真係驚嘞！」
採訪：朱芷瑩
攝影：黃文成