立法會秘書長馮載祥出名玩得，佢做馬主，隻隻馬都冠以「哈哈」兩個字，可知其人甚快活，一世無憂。
前晚，佢老哥同兄弟馮載麟，以及皇仁校友黃嘉謀醫生一齊養嘅「哈哈霸」，揚威跑馬地，跑一六五○米，在三T頭關先拔頭籌，六倍win。但八方唔見佢老哥拉頭馬，只見佢老婆Jenny出現。
馮載祥昨日就話自己冇拉頭馬命，事關佢養嘅馬都只適合跑快活谷，而馬會只係禮拜三夜馬至跑快活谷，撞正立法會開會。馮公子笑說，自己試過要求提早多少開會，以便入馬場，可惜「奸計唔得逞」。
八方又聽聞，立法會秘書處同電盈（馮太係電盈高層）嘅職員都發咗少少橫財。
（圖）馮載祥唔得閒，由其太太Jenny（左四）代表拉頭馬。
傳真︰2623-9278
電郵︰