鍾鎮濤（阿B）明年初和陳潔儀在台灣演出歌舞劇《愛情有什麼道理》，現時阿B每月都往台灣排練。只見沒有跳舞底子的他，做拉筋動作也感吃力，阿B表示其表演的舞蹈，難度會較低。 記者蔡如玉台北直擊
鍾鎮濤明年二月和三月在台灣演出歌舞劇《愛情有什麼道理》，與陳潔儀和台灣著名歌舞劇演員王柏森、郎祖筠合作。
阿B每月抽十多日往台灣排練，已練了兩個月。日前阿B在台北春禾劇團排練時，本報記者前去探班，只見他不停要拉筋，似乎頗吃力。
阿B說：「排練之前，我每日要花一至兩個鐘頭拉筋，對上一次做呢啲動作已經係十三年前，好在我平時都有做開gym，但跳舞呢家嘢就真係唔識，所以要慢慢學。陳潔儀做過《雪狼湖》，都叫做有啲底子，但我就真係要由零開始慢慢學，其餘兩位直情係高手啦，好在佢哋好就我。」
阿B現時跟雲門舞集的首席舞蹈員劉義芳學跳舞，他說：「老師教得好好，有啲動作練練吓都做得到，有啲成就感。其實設計畀我跳嘅舞都係度身訂做，我嗰啲動作冇其他人咁大㗎，學落都幾好玩。」
該歌舞劇在台北完騷後，會轉往高雄表演，然後就去新加坡和馬來西亞演出。
該劇內容講述阿B和王柏森在台灣一間徵婚公司工作，阿B一向堅持「二十四小時愛情理論」，深信愛情超過二十四小時就會變質。有次兩人因工作關係去到上海，認識了兩位靚女陳潔儀和郎祖筠，發生錯綜複雜的愛情故事。