呢排有好多老牌名校慶祝活動，今晚就有兩間老牌中學，慶祝成立五十周年校慶。一間係九龍華仁，一間係「鄧鏡波」。
鄧鏡波金禧校慶活動由今年九月開始，一直至明年七月。今晚班校友會喺大會堂美心酒樓聚餐，筵開五十圍。
鄧鏡波傑出校友兼資深傳媒人邵盧善話，佢哋嘅校友甚多，大律師、工程師同教育界都有，佢嘅同事麥潤壽同楊吉璽都係喺鄧鏡波畢業。
講開鄧鏡波，馬上想起佢個外孫女，「女食神」黃囗如。原來學校上下一提起鄧家，就大叫恩人，搞到囗如都話非常尷尬。佢話，外祖父的確對教育非常重視，一九五二年捐咗一百萬建校，重親自畫則，當初係一間職業學校。由於校長張冠榮修士十分長情，所以，佢哋一家一直同學校保持聯絡，佢阿媽鄧葵玉亦時時應邀返校參加活動。至於今晚，就忙於完成聖誕節禮品包嘅訂單，無法抽身出席。
（圖）黃囗如忙於做聖誕節禮品包，無法抽身出席鄧鏡波校慶。
傳真︰2623-9278
電郵︰