一眾亞視女藝員前晚在《亞洲電視2003節目巡禮》鬥搶風頭，陳煒佩戴三百萬鑽飾亮相，十分矚目。而馮寶寶則穿着「萬家燈火」裝出席，她表示此服裝是在亞視服裝間的箱底找出來的。
馮寶寶、陳煒、萬綺雯、田蕊妮及饒林紅等一班亞視演員前晚到金鐘萬豪酒店出席《亞洲電視2003節目巡禮》，一眾女藝人都出盡法寶，以性感衣着及昂貴鑽飾搶風頭，其中陳煒戴上總值三百萬元的鑽飾。而馮寶寶也不執輸，她表示身上的一套「萬家燈火look」是來自亞視服裝間的箱底。
陳煒前晚一身昂貴鑽飾襯露肩裙登場，她表示鑽飾是由大寶珠寶贊助，單是手上的鑽石戒指已價值二百五十萬元，加上耳環等，總值三百萬元，她是佩戴最貴首飾的藝人。陳煒說：「我冇請保鑣，啲鑽石戴完要即還㗎，剩係隻戒指都成層樓咁貴，不過我都唔敢戴咁多，唔想好似聖誕樹咁，我遲啲會幫佢哋拍廣告，有六位數字酬勞。」
早前穿着發霉皮褸的馮寶寶，亦穿得全身金光閃閃，她甫見記者即說：「快啲影我個萬家燈火look啦，唔係私伙，係喺公司箱底搵到，唔係我屋企個箱底。」馮寶寶亦電了一頭曲髮，問她是真髮還是假髮？馮寶寶竟說：「你哋唔好理，靚就得啦，件衫就公司嘅，個頭就我自己嘅，總之唔理黑貓白貓，捉到老鼠就係好貓。」
田蕊妮雖沒有昂貴鑽飾配襯，但穿了一件黑色透視裝出現，成為全場最性感女藝人。萬綺雯看到亦忍不住說：「嘩，乜咁博呀？咁sexy，快啲影相啦。」田蕊妮說：「我未有人認頭，咪着得咁性感囉。」問她是否與男友杜汶澤分手，田蕊妮說：「佢唔喺香港啫。我最近瘦咗，咪趁瘦着性感啲囉，我男友又唔介意。」
此外，亞視明年還會把金庸三部名著拍成電視劇，包括《天龍八部》、《書劍恩仇錄》及《射鵰英雄傳》。
採訪、攝影：楊潔雯