香港原創的潮流玩具，近年愈見興旺，且早被外國人認同兼熱賣。本年第3次的《ToyconSpecial：PlugInX’mas》玩具展，將會由明天開始一連3日，假座於灣仔香港展覽中心舉行；除了有MichaelLau、EricSo兩位創作人的作品外，是次有不少新一代創作單位參加，而單位竟達46個，是歷年最多。究竟呢班創作人有乜炙手可熱嘅產品，係玩具Fans就要明日趁早入場睇吓喇！
記者：梁煒健
攝影：陳盛臣、陳陶鈞、梁煒健
8月份舉行的《Toycon2002》場面相當熱鬧，亦由於香港首創的搪膠公仔大行其道，風靡日本Figure界，故吸引了不少日本人來港掃貨。
直至目前為止，MEDICOMTOY已推出數百款Kubrick公仔，而今次《PlugInX'mas》會出現香港首個會場限定版1000%SprayKubrick，身高約２呎，定價$959，故勢必成為全場必搶。
售價：未定
由創作人PalWong設計的JAMESJAY12吋Figure，一套迷彩外套連T恤牛仔褲，另有背囊及手穿鞋繩皮鞋parts，十分有型。由於係全人手製作，只做得15個，但因較早前在日本的WCC玩具展中售出了10個，所以會場中只能發售剩餘的5個，相信必定迫爆玻璃排長龍，日後的炒價更加匪夷所思。
Simon91年從英國返港至今當時裝設計師，主力以年輕男女時尚衣服為主，對日本裏原宿尤為熟悉。由於本身喜歡玩玩具，加上有時裝背景及有廠方支持，因利乘便，年初時自製了6個以裏原宿街頭服作外形的12吋Figures，於8月份香港Toycon中展出而被日本「MikeToy」公司睇中簽約，其後又在9月份於日本TokyoGiftShow中再次展出，大受日本人讚賞。
每款售價：$580（各限量150個）
三款以日本裏原宿街頭服作外形的12吋Figures，一身棒球服的Kigi，特製的絨皮外套是其賣點之一，女性Ami身上的印花衫工序繁複，手袋亦以人手穿線，製作需時用料亦昂貴。3個Figures之中，以肥仔Ando最受捧，因其羽絨外套、牛仔褲以真人服飾的做工而製成，確為複雜。
售價：$1,200（限量400個）
「鐵人兄弟」出品的brotherworker12吋Figure，暫時只以灰色版面世，而較早前在Toycon已推出了4款男角，唯一的女角BABY，女性骨架剛好完成，及時可在會場限售400個。BABY除了附有大腰包、金屬製工具如士巴拿、螺絲批外，更有風煤樽及燒桿槍等parts仿真度極高，最正都係附送一個銀器大鉗吊墜。
售價：$950
《九港大戰》漫畫中穿迷彩Z.M.D.C.裝甲服的尖區港都兵Figure，早在8月8日Toycon優先訂購，而於本月派貨。另外在《PlugInX'mas》中則展出新款港都白兵，尺寸高達14吋，於25日在門市（世紀Hobby）發售。
售價：$780
HotToys特別為日本「B2DWorkshop」，於本年8月份一個日本高達展而製作的「馬沙」12吋Figure，由於只得一日發售權，所以HotToys在現場購回少量貨，並於明天會場發售。日本售價?9,800，現售$780相差無幾，但數量不多（不少於50個），高達迷自然必搶。
Toycon負責人之一的盧Sir話：「今屆玩具展有一個重要主題，就是要正視本地玩具的創作精神，亦希望各玩具迷不要買老翻貨品。所以喺聽日嘅玩具展內，MEDICOMTOY及一班本地玩具創作人，會舉行一個支持正版玩具嘅記者招待會，同時亦推出一套限定版的BE@RBRICK為呢次玩具展紀念。」
PlugInX'mas玩具展
日期：明日至23日
地點：香港展覽中心
地址：灣仔港灣道26號華潤大廈低座三、四樓
時間：早上11:00至晚上7:00
門票：每位$20