噚日位於太古英皇道花了一億二千萬興建嘅太古小學新校舍開幕，香港太古有限公司主席何禮泰及太古地產董事總經理簡基富，連同希慎主席利定昌一齊主禮。雖然校舍非常新穎美觀，卻原來歷史非常悠久。
話說一九二三年太古城重係船塢之時，現任太古集團主席施雅迪爵士嘅祖父JackSwire已經喺船塢內創辦小學，為員工子女提供免費教育。而當時嘅小學舊址，今日變成太古城鄱陽閣及太湖閣兩座高樓。
太古小學校名都有段古，起初叫「太古義學」，四七年易名「太古漢文學校」，後來怕家長誤會學校唔教英文，再改為「太古小學」。
（圖）香港太古有限公司主席何禮泰向女童軍揮手。
傳真︰2623-9278
電郵︰