世事如棋變幻難料，才調往豐田代理皇冠車行市場部做話事人嘅GodfreyTsang，上任至今不過約一個月嘅時間，於早兩日竟突然請辭，實在係車行一個重大損失。但最令人關注嘅，會係皇冠車行響香港汽車市場上舉足輕重，汽車推廣同銷售決策尤為重要，加上亞Mark聽聞佢哋響明年上半年，將會有唔止一家汽車代理歸納入佢哋旗下，可謂正值多事之秋，邊個當上旗手一職，自然更為行內行外人士所注視。
而據知TsangSir原有位置，會由任職皇冠車行多年嘅JulianaLai接上；聽聞Juliana深諳公司內部運作，跟各部門同事相處融洽，加上出身於會計關係，自然頭腦更見精明，難怪會獲得崔先生嘅賞識啦！