一直以為深圳的晚上，只有紙醉金迷的生活，直至一次在偶然的機會下，在深圳街頭看見一班年輕的小伙子，踏着滑板、踩着In-lineSkate，無懼街頭的目光，表演着不同的花式，沉迷於自我的X-Game世界之中，有時更會玩到通宵達旦，絕對是愈夜愈精采。另外，我亦捉緊機會，搵佢哋介紹X-Game玩家最愛的Shopping地點。
記者：歐嘉荃 攝影：林監琛
第一次見到呢班X-Game愛好者便是在華強北路的街頭，一班板仔踏着滑板在大街上滑行，那種速度感的確令人歎為觀止，「我哋通常喺星期六及星期日，集合喺華強北路訊電門口玩，為免騷擾路人，我哋只會喺夜晚玩，有時重會玩到半夜三更，三、四點就最正，條街愈少人我哋玩得愈放愈激。」來自哈爾濱的Rocky說。
國相師公除咗係X-Game嘅發燒友，更相當有抱負，年紀輕輕開了一間In-lineSkate的店舖，更以店舖的名稱創立了一個直排滑輪俱樂部，其店舖更成為In-line玩家的聚腳地，聯繫着約40多個專玩In-lineSkate的會員。
小輝推介SKADIUM
這間以板為主的店舖，是板王小輝的誠意推介，這店的老闆是香港玩板好手阿Mark，阿Mark因為經常到深圳玩板，遂因利乘便喺深圳開設板仔專門店，店內代理咗ALPHANUMERIC、Kaleicloth、Architect等板界名牌，部份貨色更是在香港難以找到的歐洲款，加上價錢較香港平一至兩成，絕對是板迷的最佳掃貨點。
板王小輝最鍾意店內呢3塊Habitat滑板，這套板最特別之處是3塊板的圖案可拼合在一起，成為可愛的魚樂圖案，小輝話要買就3塊一齊買，否則睇唔到呢套滑板的過癮之處。
呢件ALPHANUMERIC雙面Tee，一面以灰襯紅，另一面則是全紅色，簡單中富心思，絕對是ALPHANUMERIC的一貫風格。
SKADIUM
地址：深圳市東門步行街南塘商業廣場一樓B1-100-2店
營業時間：12:00noon-8:00pm
小妹妹Nancy推介X-Modern
就係呢位軟骨小妹妹的滾地舞姿深深吸引了我，Nancy今年8歲，啱啱學咗10堂，「之前喺街見到啲哥哥姐姐跳街舞，覺得佢哋跳得好有型，所以咪叫媽咪畀我學。」原來教Nancy的導師是其中一間店舖的老闆，咁好機會，梗係叫佢推介一啲跳舞Video啦！
老闆推介的便是這隻BattleoftheYear2000黑膠碟，這碟內有經典的街舞歌，雖然是2000年版本，但艾比已當佢係寶，多多錢都唔賣。
呢兩盒街舞Video係老闆的推介，「學街舞要不停摸索，我以前都係睇Video學，所以我會推薦這些Video畀初學街舞的人慢慢揣摩。」這兩盒都是外國的街舞Video，絕對是最佳的學舞老師。
X-Modern
地址：深圳市東門步行街南塘商業廣場一樓B1-101-3店
營業時間：12:00noon-8:00pm
Rocky推介8Wheels
呢間店舖以售賣In-lineSkate及街頭服飾的牌子貨為主，貨品主要來自上海、北京等地方，除了Skate外，大部份貨色均為外貿貨，價錢較平，最啱年輕的板迷。
Rocky推介呢兩款滾軸溜冰鞋，左邊為Razors品牌，右邊則為USD，兩者均是名牌，鞋的外層選用耐磨膠，而內層則是厚身的棉，靴內兼有避震膠，可以減少跳躍時的壓力，無咁易受傷。
8Wheels
地址：深圳市東門步行街
南塘商業廣場一樓B1-95-2店
營業時間：12:00noon-8:00pm
攞過乜獎：
2002年安踏全國賽（廣州分站）第四名
第三屆全國技限運動會第10名
小輝19歲
只玩了3年滑板已囊括了不少滑板獎項，同已玩了多年的老手相比亦毫不遜色。
攞過乜獎：
2002年安踏全國巡迴賽（上海站）第二名
2002年安踏全國巡迴賽（北京站）第八名
Rocky18歲
最叻玩跳樓梯，躍起跳過7級樓梯着地，唔係人人玩得到，秘訣係至緊要大膽。
攞過乜獎：
2001年全國賽第二名
2002年安踏全國巡迴賽（廣州站）第一名
國相師公21歲
玩In-lineSkate已有五年多，屬於深圳市第一批玩X-Game的人，人人叫佢做師公。