梁朝偉日前贊成六四屠城的言論一出，即時掀起軒然大波，不但遭到司徒華及鄭經翰等人炮轟，連網上亦有不少網友留言，揚言對梁朝偉深表失望及改觀。
而支聯會常委張文光昨日接受訪問時說：「美國奧斯卡幾政治正確，如果梁朝偉支持中國政府六四鎮壓言論繼續鬧大，會削弱呢套戲嘅攞獎機會。不過真正問題唔係攞唔攞到奧斯卡，而係佢講嘅嘢傷咗中國人嘅心。」
當中有網友留言道：「就算係真嘅，呢啲戲子講嘢，當笑話聽，笑吓算啦！」亦有網友批評說：「先有政客於九七前轉軚，今有『偽人』轉軚，第一個係『尖叔』，第二個係『糧潮畏』，邊個會係第三個？」也有網友表示對梁朝偉感到失望，留言道：「每個人立場唔同，就住自己嘅立場講說話，始終都唔會係最中肯嘅，不過如果梁朝偉真係講過啲咁嘅說話，我開始對呢個人改觀！」