做名人原來都真係幾多煩惱，以前怕俾人綁架，𠵱家呢？要煩去邊度食飯先係最安全。
陸羽槍擊案之後，好多有錢佬已經慨歎少咗一個聚腳地。點知話口未完，遊艇會女經理又俾人謀殺，四處殺氣騰騰。八方噚日同「小霍」霍震霆傾開，佢都話𠵱家去飲茶又唔得，去食飯又唔得，真係頭痕。雖然小霍係遊艇會常客，但係佢話唔識遭遇不幸嘅女經理，事關自己去食飯，唔會無端端走入人哋寫字樓喎。
同小霍傾開偈，梗係離唔開佢位經常喺波場出現嘅公子霍啟剛啦，不過一講小小霍公子嘅戀情，做老竇嘅小霍即刻收口，認真奇怪。
傳真︰2623-9278
電郵︰