睇粵語武俠殘片成日話上天山搵極大靈芝救命，八方都以為係電影橋段，點知現實世界，真係有成一百磅重、直徑三英尺長嘅靈芝。
中山大學喺幾個月之前，喺廣西嘅十萬大山，發現呢個咁巨型嘅野生靈芝，重將佢運咗嚟香港，喺今日至下個禮拜日，喺會展嘅「中華醫藥暨生物科技博覽會」中展出。
中山大學國家教育部食品工程研究中心主任劉昕同八方話，呢啲咁巨型嘅野生靈芝非常非常罕有，相信係全世界最巨型嘅野生靈芝，大學𠵱家已經申請緊將呢隻巨型靈芝打入健力士世界紀錄。佢重話，靈芝喺《本草綱目》中係叫「長生不老草」，可起死回生，大學重研究緊用靈芝嚟抗癌同治療愛滋病㖭。
（圖）中山大學在廣西發現特大靈芝，申請緊加入健力士紀錄。 馬泉崇攝
傳真︰2623-9278
電郵︰