康泰旅行社董事長黃士心做旅遊做咗三十一年，佢噚日同八方食晏時講，佢有兩個仔匿稱叫「大B」、「細B」，細女就叫「B女」，黃士心講到明希望三個仔女可以承繼衣鉢做旅遊，「大B」𠵱家喺理工大學讀緊旅遊就快畢業，做番呢行應該唔係問題，「細Ｂ」就喺外國讀緊電腦，佢話康泰都需要識電腦嘅人才，至於「Ｂ女」就只係讀緊中五，不過想做醫生。
黃士心話，聽到「B女」咁講，佢即刻講好多嘢希望可以改變個女嘅諗法，例如話病人通常都苦口苦面，唔及得旅客個樣咁開心，又話做醫生要成日見血，連病人冇得去廁所都關醫生事，佢反問個女話醫生有乜好做呢？其實做爸爸嘅真係一片苦心，黃士心為咗培育三個仔女，好細個就同佢哋周圍去旅行，佢話等啲仔女見識多啲，第時做番呢行都可以容易上手。
傳真︰2623-9278
電郵︰