臨近聖誕，無論係報章雜誌、地鐵車廂抑或街頭巷尾，都充斥着排山倒海的首飾廣告，彷彿要無時無刻地提醒你「每個女人都想要首飾！」所以，身為人家的男朋友，如果再俾女朋友追問買咩做聖誕禮物，「唔知買咩！」已經唔再係藉口，最應該苦惱係唔知買咩款至真。以下所介紹的各路首飾適合唔同性格的女士佩戴，睇完之後我諗今個聖誕你都好難走得甩。
記者：尹珊珊 攝影：伍慶泉
ImageGirl：Teddy
逢星期一至四刊出
屬於「Feather」系列的幼身頸鏈有成50吋長，最大特點係整條鏈並沒有任何鏈扣，戴法亦沒有任何限制，可塑性比傳統頸鏈為高，就好似在頸上放條長頸巾一樣，全憑個人喜好綁出新花樣，最後再打結以防鬆脫，變化之多端，猶如為性格善變、追求刺激的女孩子度身訂做。
假如你重認為買戒指送畀女朋友一定係求婚，咁嘅思想實在太守舊了，事關戒指本身是一件極具觀賞價值的首飾，好似呢隻巨型寶石花花戒指，瑰麗奪目，盡顯成熟女人的風韻，一朵朵由坦桑石、天青石和月光石鑲成的寶石花，是以精湛工藝逐一鑲嵌於疏窿的戒指面上，搖動時郁下郁下，充滿立體感。至於外形好以聖誕花環的寶石戒指，以梅花間竹的排列方法，鑲上閃爍耀眼的坦桑石、天青石和月光石，戴上手無咁誇張，比較適合較年輕的女孩子。
女人從來都渴望被呵護，幻想自己會得到公主般寵愛，這套名為Prologueofstory的純銀黃玉（BlueTopaz）戒指及頸鏈，式樣簡單流麗，但只要細心留意，你就會發現吊墜及戒指底部，其實暗藏了一個刻有王子公主的圖案。如果你打算趁今個聖誕，向心儀已久的女性表白心迹，呢套黃玉套飾或許可以幫你作一點點暗示。
今季大熱的十字形首飾，備受一眾潮流人士所追捧，如果碰巧你女朋友都係潮流中人，選購呢款十字吊飾就最穩陣。三個十字架吊墜分別鑲有鑽石、天青石，以及一個可開合的十字形純銀殼，除了可以獨立佩戴，更可以將前兩者套入空心的十字形銀殼內，變化出更多花樣，同時又備有皮繩及銀鏈，方便配襯衣物。
買首飾需要慎重考慮，唔單止係因為價錢貴，最重要係一件首飾隨時戴足幾年，如果女朋友唔鍾意就大件事，不過呢套Princessmemories吊墜手鏈及頸鏈卻是個例外，只因6個手工精緻的迷你吊墜，包括鑲有小鑽石的皇冠、K10黃金玻璃鞋、純銀南瓜等，可隨意拆除或緊扣在手鏈及頸鏈上，排列方法絕對任你自由發揮，就算想單獨佩戴亦可，再盛載在糖箱蛋糕形的聖誕禮盒上，女孩子自然甜到入心。
時裝界玩Crossover愈玩愈過界，好似呢條Levi's手帶及頸帶套飾，就係由Levi's同JustGold近日搞Crossover合創而成的作品，用牛仔布製成的手帶及頸帶上，釘有Levi's原裝鈕扣，可隨意拆除的純金金扣一面刻有星星圖案，一面刻有「OhMy501」字樣，配襯一身casualwear清新又有型。
有得揀梗係要首飾！
「聖誕禮物最重要係份心意，不過如果有得揀，係女仔都要鑽石首飾㗎啦，就算得隻細細哋的戒指仔都好！」
要睇吓有無雙糧出先！
「嘩！鑽石鏈咁貴點買得起呀！係買都要睇吓有無雙糧出先，如果有錢就買條千零蚊，無的話分分鐘買個公仔算數。」
一年一次無所謂！
「之前女朋友都暗示過睇中條4oC的手鏈，貴就唔算好貴，但都要成三千蚊，不過諗住一年先得一次，都會買畀佢開心吓。」
4oC
地址：中環置地廣場地庫1層B64-5號舖
電話：21856268
Tiffany&Co.
地址：金鐘太古廣場366號舖
電話：29189992
JustGold
地址：太古城中心第二期35店
電話:25390198