陳太復出做董事 - 李八方

  陳太復出做董事 - 李八方

八方噚日講過前政務司司長陳方安生受勳,隨即再收到佢退休後首份工作嘅消息。估都估唔到,原來陳太竟然做埋八方行家,不過當然佢威過八方好多啦。
陳太嘅新職係「路透創建人股份有限公司」董事,大家可能想知道呢間公司做乜嘢嘅,點解陳太要去做董事?
其實呢間公司係知名國際通訊社──路透社嘅相關公司,八四年成立,目的係維護路透社嘅中立性及獨立性,董事嘅職責就係要確保路透社嘅信託準則被遵守。
據八方所知,要做呢個職位,須遴選委員會提名及董事會通過,遴選委員包括兩名歐洲人權法院法官,而公司現任董事會俱屬猛人,包括滙豐前大班浦偉士。八方相信,陳太做咗董事之後,肯定不愁寂寞喇。



傳真︰2623-9278
電郵︰[email protected]