年尾流流，乜乜物物選舉陸續出籠，八方睇到新浪財經選咗年度「十最人物」系列，十個當選者之中，香港人竟然佔咗三席。
華懋集團主席龔如心排名第四，被選為「最慘的縮水富豪」，原因係點八方唔使多講；阿B鍾鎮濤則排名第九，被選做「最瀟灑的無產者」，怕且都唔使八方解釋。
最有趣嘅係第五位，張五常被選為「最火的經濟學家」，內地「火」即係「紅」咁解，新浪話張五常在西南財經大學演講，學生一擁而上搶簽名，重勁過明星。文章重話張教授大作《經濟解釋》在多家大學網站轉貼，令「張五常熱」持續升溫；不過新浪冇提《經濟解釋》本來喺《蘋果》刊登。
傳真︰2623-9278
電郵︰