又捱到年尾，行會噚日舉行今年最後一次會議，到明年一月十四號先至復會，咁即係話喺老董發表施政報告前唔會再有正式行會會議。不過，正如特首辦話，佢哋要碰頭，幾時都得。
講番阿董，佢噚日同社會福利界嘅代表見面，聽陳智思講，老董把聲重未掂，連新聞處處長蔡瑩璧都鼻塞塞，真係唔知係咪全部染晒北京流感。見到老董咁辛苦，全人類都叫佢老人家休息多啲，但係佢因時間無多，要見埋啲各路人馬包括公務員同埋教育界，先至可以將份施政報告最後定稿，所以幾辛苦都要頂住，唔怪得佢噚日去出席文化自覺與社會發展研討會時個樣鬼咁攰。
其實老董算好彩，搵到陳智思做社聯主席，佢不但冇叫阿董加乜加乜，重話希望幫手搞吓跨界別合作，又話希望成個社會包容啲，唔好再搞分化。
﹙圖﹚阿董出席文化自覺與社會發展研討會時個樣好攰。
傳真︰2623-9278
電郵︰