TeddyBear啤啤熊向來喺香港都有唔少Fans，今年重係佢100歲生日，當然要大事慶祝一番，所以今個聖誕就幫佢搞咗個「啤啤熊100歲大派對」，重特別運來多部歷史悠久的德國古董機動遊戲，帶大家返回70年代的德國遊樂場，重有主角──25呎高的超大TeddyBear齊賀生辰㖭！
記者：劉耀祥 攝影：梁細權
Model：Kimmi&Polly
逢星期一、三、五刊出
全場最矚目的當然要數這個高達25呎、有差不多三層樓高、首次在港展出的巨型TeddyBear，牠就坐在入口處歡迎大家，想睇不到牠都幾難。牠的外形是仿照當年美國總統羅斯福放生的黑熊而設計，而且重識得「Fing頭」，見牠搖頭擺腦個樣咁Cute，都想走埋去攬吓，不過，如此巨型，單是攬隻腳都不易。而整個巨熊全由鋼架支撐，由頭部、身體、左右手及左右腳共六大件組件裝嵌而成，只是將這六大部份嵌埋一齊都已經要一日時間！
TeddyBear源自德國，慶祝會當然就要有些德國風味才似樣，所以場內的機動遊戲，均是特別由德國運來，由德國油匠兼藝術家PeterPetz仿照歐洲早期機動遊戲製作而成。PeterPetz製造仿古機動遊戲有超過35年歷史，所以機身上你可看到各式各樣的古典圖畫，以及細緻的手工，除了體積比平常所玩的較細之外，亦具歐洲藝術家的風格。
以下四部機動遊戲由於採訪時重未裝嵌完畢，所以只好畀張大會發出嚟嘅靚相大家睇睇先，唔使心急，到時一定有得玩嘅！
其實，除了25呎大熊及機動遊戲之外，同場亦有攤位遊戲，例如行運一條熊、熊仔當入樽、熊星Cup等，但最吸引的當然係作為獎品的TeddyBear公仔啦，主辦單位還透露有近萬隻TeddyBear作為獎品，不過成個人咁高嘅TeddyBear就只係用嚟影相，並唔係獎品嚟㗎！此外，還有啤啤熊雜技團表演，以及有一幅幾百呎長的「啤啤油樂牆」，讓入場者可以盡情畫出自己心中最靚的啤啤熊，而且每次畫都會捐一蚊畀世界野生動物會，順便做埋善事，一舉兩得。
不要以為今年100歲的TeddyBear，是來自美國的熊公仔，原來TeddyBear祖籍德國，而TeddyBear這名字的來歷則要追溯至1902年美國羅斯福總統，因當年羅斯福總統在打獵時不忍心射殺一隻美國黑熊，於是將牠放生，而事件亦得到報章廣泛報道。剛巧德國啤啤正打入美國市場，所以便用上羅斯福總統的乳名「Teddy」為熊的名字，遂成為後來的「TeddyBear」了。
日期：12月18日至1月3日
時間：10:00am?0:00pm
地點：灣仔會展新翼B2展覽廳
入場費：$28
機動遊戲及攤位遊戲：每次$20
售票地點：地利店或即場購買