系出名門、飲過洋水，果然識得撈世界，香港總商會總裁翁以登博士，前日出席二十七個工商團體支持二十三條大聯盟記者會，坐正喺召集人鄭耀棠身邊，風頭出盡。總商會四千家公司會員，有個咁醒目嘅總裁，真係深慶得人。
大家可能唔多認識翁博士，佢係翁同龢後人，生於上海，初中時移居美國，在五角大樓為美帝國服務九年，做過國防部中國政策顧問，又派駐過北京美國大使館，重做過美國空軍，官至上校，本身又係華盛頓大學數學博士，文武全才，洞悉中美國情，難怪咁吃得開。
其實特首年初搵人做部長唔搵佢，真係港人損失；你話如果由翁博士掌保安局，話唔定二十三條過咗喇。
講起世界，李國寶就唔識撈啦。做生意，有奶便是娘，使乜講良心！
傳真︰2623-9278
電郵︰