聖誕佳節即將來臨，麥家琪笑言男友眾多，每年聖誕均不知陪哪個好。談到來年夢想，麥家琪希望與周潤發拍一部《鐵達尼號》式的電影。
麥家琪自九三年參選香港小姐投身娛樂圈以來，曾拍過不少電影，但她卻語帶遺憾地表示至今未有一齣可堪回味的代表作。
麥家琪日前接受訪問時說：「我睇過咁多部戲之中，最鍾意就係《鐵達尼號》，睇過三次，三次都喊到收唔到聲，女主角Rose更係我好想演嘅角色，如果畀我拍到一部好似《鐵達尼號》咁嘅戲，咁我就無憾啦！至於男主角最好就係搵發哥（周潤發）嚟做啦！」
談到聖誕節，本是個普天同慶的節日，但對麥家琪來說，聖誕節令她難忘的地方，卻與一般人不太一樣。麥家琪說：「聖誕節令我難忘嘅地方，就係每一年都冇禮物收，所以我今年有個聖誕願望，就係可以收到一架車！」
麥家琪還表示聖誕將往內地登台，雖然未能與男友共度佳節，但麥家琪卻不覺得失望，她自言是一個很實際的人，麥家琪笑說：「有得賺錢嘅話，乜都冇所謂啦！我男朋友都有十個八個咁多，每年都唔知陪邊一個好，去咗做嘢就有藉口唔陪佢哋㖭！」
新一年快要來臨，麥家琪總結過去一年的事業成績時說：「其實做呢一行真係好講運氣，雖然今年只係拍過一部戲，但我相信明年會更好。」
採訪：羅慧敏
攝影：陳慧安
服裝提供：DaDa、Micah