就快到聖誕節，只可惜香港不但不會落雪，天氣更相當反常，時冷時熱，所以不少人都會趁這個月，飛去外國過一個浪漫的白色聖誕。不過，浪漫歸浪漫，一定不可以忘記帶備一套適用又輕便的旅行護膚品，否則到時皮膚出現甩皮、敏感又乾燥的情況，玩都玩得唔盡興！
記者：羅惠芬
攝影：陳穎
ImageGirl：Monique
化妝：ConniefromBeautyTech（AssistedbyGloria）
明星推介
康子妮：「我的皮膚屬於混合型，每次去外國成塊面都會變得勁乾燥，所以一定要帶備SK-II嘅FacialTreatmentMask，因為佢水份極高，最啱搭飛機時敷。」
陳霽平：「每逢出Trip，我都會將屋企所有護膚品帶埋去外國，咁就無有怕。其中我一定會帶Jurlique的玫瑰味潤手霜，因為佢滋潤得來有玫瑰花香，感覺好Fresh！」
任港秀：「去旅行最緊要帶啲輕便同體積迷你嘅護膚品。去外國我多會用Glycel香草潔面啫喱，因為佢洗完面唔會有繃繃緊嘅情況出現。」
喜歡自己落手落腳整TravelKit的朋友，最重要記得旅行護膚套裝的要點：齊備兼輕便！
建議護膚品：
a.潔面：Olay多元修護潔面布，去旅行時取出需要的數量，唔使帶成支洗面Gel去，而且用完即棄，超方便！$89.9/30片 （屈臣氏）
b.面膜：LaVie美白水凝修護面膜，美白之餘更有紓緩肌膚作用，價錢方面非常便宜，$99.9有5塊，抵！（屈臣氏）
c.眼膜：shuuemura保濕眼膜，每片獨立包裝，用幾多就帶幾多，而且口碑一向不俗。$320/12對（Sogo）
d.保濕噴霧：MJP強力補水精華，含75%水份及25%油份，保濕之餘更可提供滋潤效果。最正是體積只有一隻手指長，攜帶好方便。
$520（銅鑼灣恩平道42號亨利中心18樓）
e.潤唇膏：Jurlique潤唇膏，潤而不膩，加上超細Size，強力推介。$105（JoyceBeauty）
別以為護膚只是女性專利，皮粗肉厚的男士們，去到外國同樣會因氣候改變，而出現皮膚乾燥、敏感等情況。Biotherm男士護膚用品，由潔面、保濕到眼部護理都有齊，加上Size夠細，出入帶備都好方便。
左至右：眼部保濕排毒乳液$160，潔面啫喱$150，保濕排毒露$240（Beaute@Sogo)