「我收到水務署同電力公司通知，催我立即交水費同電費按金，否則我屋企會隨時被截水截電，到時就好麻煩。但我大拿拿攞成九百蚊去交水、電按金之後，就會連食飯都無錢，到時都唔知點算！」精神病康復者昌叔向記者歎謂。
年約五十五歲的昌叔，月前獲房屋署恩恤分配公屋單位，才有瓦遮頭，結束多年來飄泊流離的露宿生涯。可是昌叔自數年前患上精神病後，無法繼續從事散工謀生，惟靠綜援金過活。昌叔月前勉強應付「上樓」的屋租按金後，再無餘錢繳交水、電按金，為此深感彷徨無助。
在志願團體露宿者行動委員會轉介下，昌叔近日向本報求助，他坦言﹕「多得露宿者行動委員會幫我爭取，我至唔使繼續瞓街。委員會嘅義工又非常關心我，知我手緊好困難，即刻幫我諗辦法，希望透過蘋果基金幫到我應急。」
刻下，昌叔另缺乏基本家庭電器使用，「我冇雪櫃，有時想儲起食剩嘅餸菜都唔得；我買唔起電熱水爐，屋企又連個電水煲都冇，呢排天氣凍我就惟有用布抹吓身當沖咗涼。」昌叔無奈地說。
蘋果日報慈善基金了解昌叔的情況後，即時撥款一千元，助昌叔支付新居的水費及電費按金，以解其燃眉之急。此外，昌叔盼獲讀者捐贈雪櫃及電水煲，解決眼前困境。 捐款編號：C0776
暖流熱線
電話:29908688
傳真:23702192
電郵:
網址：