德國嘅平治車廠，將會喺嚟緊下月響美國底特律舉行嘅北美國際車展上，展出旗下SL跑車系列嘅最新旗艦版本SL600；此車造型雖與現有其他SL跑車相近，但引擎蓋下一台V12Bi-turbo引擎所迸發出嘅500匹馬力，卻叫人印象難忘呢！
SL600嘅動力核心係一台全新嘅V12Bi-turbo引擎，最大馬力輸出可達至500匹，而扭力輸出更高達81.6kgm咁強勁；而新車0至100公里嘅加速度僅為4.7秒，而極速更可高達250km/h（有限制）咁快㖭！同時，呢台新偈運作時又見寧靜順滑，絕能給予你有一個舒適嘅駕駛環境。
而響外形上，全新SL600亦有些許變動，除鬼面罩改用全新款式外，而且重用上Bi-Xenon頭燈組合，於車身兩旁貼有V12字樣、18吋高性能輪胎連超輕合金胎軨，以及銀色嘅制動卡鉗等等，從而令其高性能跑車形象凸顯出來。車廂內部亦會作出修改，如用上全新半皮半桃木軚環等等。新車將於明年4月推出，唔知香港代理有無興趣將之引入呢？