早前同大家提過，一份由J.D.PowerandAssociates首次響德國進行嘅調查報告，正式揭示咗用家愛日本車嘅實情，而在德國同歐洲市場銷量最多嘅幾個牌子：福士、歐寶、標緻及雷諾，佢哋嘅得分平均數被列為不合格，並低於業內嘅平均得分。
顧客消費指數調查，響美國已進行多年，兼且重被認為係用家買車嘅主要參考指標，因此呢個結果對排名高嘅車廠，可謂百利而無一害。而J.D.PowerandAssociates都同時將調查嘅評級報告交予各車廠，從而讓佢哋詳細了解失分在何處，以及喺邊個地方得到用家嘅認同。
喺美國，通用汽車（GM）就利用呢個調查嘅結果，針對需要改善嘅環節來進行改良，並逐漸響CSI用家指數排名取得上升之位；因此，調查機構一方面照顧到顧客嘅利益，另一方面亦令車廠間取得客戶來源，用調查研究去協助車廠改善產品質素，因為呢啲調查係最接近用家嘅，而且重係用家嘅意願，誰最能滿足用家嘅意願，就係勝出者。
不過，大家唔好期待呢個機構會響香港進行調查，因本港並無汽車製造業；但響國內，除有自己本身嘅車廠外，而且重係全世界最有潛質、潛能同潛力嘅汽車市場，故此呢類CSI調查一定要做呢！
文：陳自齊