唔講唔知，九鐵行政總裁楊啓彥的雙眼，原來大有乾坤。
楊啓彥噚日向傳媒透露，雙眼數年前曾患有白內障，找來著名的眼科專家林順潮做手術，換咗對人工晶片，𠵱家近視得番百幾度。
做白內障手術唔罕見，但罕有嘅係佢眼球嘅眼壓，隨住年齡增長而出現過高情況，林醫生於是幫佢喺眼球內開咗個窿仔，等佢眼內嘅壓力可以自動排出。聽落真係好匪夷所思噃！
講開林醫生，佢老哥雖然咁落力為香港班有頭有面嘅人士醫眼，但係喺人大選舉最後一輪投票，竟然輸得咁慘，真係唔抵。
至於楊官俾政府玩到咁盡，喺眼開窿仔減壓都正常嘅。
傳真︰2623-9278
電郵︰