林曉峰（阿Lo）和拍拖一年的女友康子妮明日結婚，他們將會在深灣遊艇會舉行婚宴，筵開十五席。阿Lo表示這次結婚其實是早有計劃，而婚宴只招呼親友，好友錢嘉樂將會是座上客之一。
問到阿Lo的婚禮籌備情況？他說：「我好緊張。擺酒嗰日都冇乜特別儀式，我哋希望簡簡單單。」
此外，林曉峰與康子妮昨日一同接受商台節目電話訪問，問到阿Lo的為人及求婚經過時，康子妮甜絲絲地說：「佢個人好細心，同佢一齊每一日都好開心。其實一開始佢就好似玩咁講咗好耐，有一日佢送咗個電話畀我，我一開機就係嗰個問題，然後佢再打電話畀我，再問多一次，我諗前後都問咗我百幾次。」對於阿Lo表示婚後將不設防，康子妮說：「其實我都好鍾意小朋友嘅，而我想生兩個，如果生到孖仔就最好啦！」
據知阿Lo的阿姨將特別從澳洲回港，出席他的婚宴。
採訪：比華利