有報道指近日網上流傳疑是陳慧琳（Kelly）的電腦合成裸照，前晚Kelly出席《勁歌》季選時表示從未看過這些照片，她說：「冇可能會影到，因為我經理人同助手去到酒店一定會好小心檢查，佢哋連櫃頂都會check埋有冇針孔照相機。」
問Kelly在外地工作時有否遇過一些可怕的經歷？她說：「有一次我去內地工作，當我夜晚起身時，突然發現床邊坐咗兩個女仔，佢哋重攞住本簿想問我攞簽名。原來佢哋係嚟執房嘅，所以佢哋就可以自己開門入嚟。」
而容祖兒將會為長實地產唱廣告歌，其經理人霍紋希更指若祖兒同時接拍該廣告，便可獲贈一個單位。
此外，余文樂早前於新城的新人巡禮時中空寶，他表示會以平常心面對所有頒獎禮，余文樂說：「我好認同譚詠麟話新人就好似一嚿海綿咁，不停去吸收，所以我唔會畀壓力自己。」