日前有消息指《勁歌》季選中，其中一首入選歌原本由Twins的《風箏與風》奪得，但最終卻由馬浚偉（馬仔）的《糟蹋》取代了Twins的位置，成為十二首入選金曲之一。
問Twins有否聽過《糟蹋》一曲時，蔡卓妍說：「有呀，國語歌嚟嘛。」當記者指《糟蹋》是廣東歌時，她即時解釋：「我頭先聽到佢哼咗兩句國語，我咪以為係囉，不過佢啲歌都幾好聽呀。」
馬仔亦說：「我首歌咁啱係上個月嘅推介歌，而且我啲歌喺港台、TVB同埋內地嘅播放率都好好。」當記者指他是當紅小生及高層契仔時，馬仔即說：「我冇上過契呀，好彩我拍《金牌冰人》唔係近期嘅事，如果唔係又話我拍劇換獎。」