儲值卡有分漫遊同非漫遊，既然兩種卡同樣可作本地通話，買張漫遊卡似乎比較好，話晒旅遊或公幹都用得着。不過，若然一心只作本地通話，買本地卡（即非漫遊卡）就較着數，因為本地通話收費會比漫遊卡為平，好似新世界傳動推出一張售價及面值為$100的「本地智啱傾」儲值卡，通話費全日劃一為每分鐘$0.3，而備有漫遊功能的「智啱傾儲值卡」每分鐘本地通話費則收$0.8或$1.2（按不同時段收費）。而呢張本地卡免費包來電顯示、失Call號碼顯示及餘額提示，若果要用來電轉駁同留言信箱，月費分別為$50及$15並於儲值卡內扣除。另外，儲值卡同樣可接發短訊，Send短訊到本地手機每個收$1，致海外手機則每個收$3，收SMS就免費。
記者：招佩珊