六萬人前日上街反二十三條，我哋嘅董特首一如以往慢幾拍，到噚日下午先出嚟回應吓，呢頭話知道有人上街，嗰頭即刻話有二十七個團體，包括社團、政黨、商界支持，八方真係要睇吓，下星期日支持立法集會之後，政府係咪即刻跳出嚟歡迎。
不過咁，老董呢排都算辛苦嘞。睇佢噚日讀一篇簡單講詞，咳過不停，聽把聲都知佢嚴重鼻塞，所以佢讀完中文，冇讀英文就走咗，都唔好奢望佢會答問題。八方見佢一入電梯即刻挨喺角落頭，好似周身冇力咁，唔知係咪六萬人上街激病佢。
八方後來問特首辦知道老董只係患感冒，冇請假而且好忙，噚日見專業界人士聽意見，今日照樣見社工界，一切工作如常，冇受影響喎。
傳真︰2623-9278
電郵︰