講開白鴿黨新主席楊森，原來佢本人並非教徒，但係對宗教界非常敬重，原來楊森係荃灣官立工業中學畢業，間學校後來關咗門，班舊同學最近先至聚過一次頭。
唔講唔知，楊森本來中六考咗去男拔萃升學，點知讀咗一陣佢老哥就頂唔住轉咗去循道讀預科，你估吓為咗乜嘢事呢？原來森哥話，佢好唔習慣間學校門口停晒一部一部平治，所以轉校。結果就遇上了新華社前副社長毛鈞年，佢係楊森中六嘅中文教師，楊森話，毛老師有時上堂都會講吓馬克思，當時同學都唔知佢咁猛料，後嚟先知佢唔少嘢。
至於楊森自己就一直都好關心社會事務。雖然同大口舊陳偉業唔啱傾，但係楊森都為佢高興，因為聽講大口舊同長江單上訴官司嘅賠律師錢快有着落，雙方講緊百幾萬律師費，相信長實會肯畀。
傳真︰2623-9278
電郵︰