上星期，我哋《車天車地》版個四眼編輯，走咗去德國預支聖誕，竟然俾佢無意中碰上歐寶部未正式投產嘅Signum豪華轎車。據亞Mark響官方資料中得知，呢部車將會係Omega嘅入替型號，而廠方快者會喺明年瑞士日內瓦車展中將之正式曝光，並要等到明年下半年才會響歐洲市場出售。呢部以新一代歐寶Vectra為藍本，但較Vectra車長多出40mm（達4630mm）嘅Signum，前後軸距更較Vectra多出130mm，達2830mm嘅數值，可見佢前後兩排四座位，會係極之舒適同豪華，聽聞要較雷諾Avantime設備更In更全面㗎！至於呢部被廠方形容為BusinessClassofOpel嘅新一代豪華轎車，將會有三台DirectInjection引擎選擇，分別係2.2公升直4（155匹）、2.0公升直4Turbo（175匹）同頂級3.0公升V6（177匹）㖭！亞Mark聽聞香港代理對其都有好大興趣，若然你對一般三廂式轎車覺得有點厭倦的話，不妨響2004年諗吓換部Signum坐吓喇！