我一向認為食火鍋一係唔食，一食就要食自助火鍋，一個價錢可以食到夠本，夠晒過癮！最近畀我發現到有一間酒樓，竟然有?28任食海鮮火鍋，湯底免費兼有一百款配料任食，真係咁抵？一於走去睇吓。
記者：黃希知
攝影：小王子
一入門口已見三張大長枱放滿各款火鍋配料及熟食，淨係熟食都有成十多款，鹹點以冷盤為主，好似有辣尖笋、牛肚、沙薑雞腳、豬耳，甜點重特別，西式蛋糕、叉燒餐包、炸饅頭色色俱備，款式比我預期多。
經理話呢啲係日本池魚，池魚刺身就食得多，用成條池魚打邊爐真係好少見，食得脆肉鯇魚多，食番餐池魚都幾特別。
免費湯底有麻辣、鴛鴦、清湯及藥材供選擇，藥材湯用黨參、紅棗、枸杞、沙參同玉竹煲成，大廚話此湯有清熱氣的作用。
店名：翠竹海鮮酒家
電話：(86)75525534986
地址：深圳市田貝四路水田二街20號
收費：成人每位?28；小童（一米以下）每位?15
供應時間：晚上五時後供應