大生銀行家族成員馬清揚的太太錢慧儀開設的高級家具店Dentro，經營了六年，最近錢慧儀又斥資七位數字，下月為意大利燈飾名牌FLOS於中環開設全亞洲區首間旗艦店，業務更上一層樓。
大生銀行家族成員馬清揚的太太錢慧儀（Winnie）六年前創立高級家具店Dentro，網羅歐洲頂級名師設計的家具，事業發展穩步上揚。
但Winnie不斷開拓業務，最新搞作是下月於中環分店為意大利燈飾名牌FLOS開設全亞洲區首間旗艦店。
Winnie日前接受本報專訪，大談最新的發展大計，她說：「FLOS係意大利出名嘅燈飾品牌，我同佢哋已經合作咗一段時間，覺得雙方嘅發展方向、同品味都好一致。我亦好睇好呢個品牌，除咗因為有唔少名師為佢哋設計燈飾外，佢哋重好肯起用一啲新進有創意嘅designers。」
FLOS燈飾亞洲首間旗艦店將會入主Dentro於中環、佔地二千呎的分店舊址，Winnie說：「FLOS嘅設計師早前專程嚟到香港揀舖址，又對新舖嘅設計提供意見交流。而合作形式就係Dentro會投資七位數字，FLOS會分擔日常開支，全力支持FLOS喺香港發展。」
對於家具店的發展，Winnie表示十分滿意，她說：「我一開始做家具店就唔係抱住『玩玩吓』嘅心情去做，全部都係有planning咁引入世界頂級嘅家具品牌入香港，好清楚自己間舖嘅路線。
「喺𠵱家逆市嘅環境下，我重有機會開拓業務㖭，例如同內地酒店合作咁，全部都係按部就班去做，控制喺自己手，唔似做娛樂事業，好多時運氣佔咗好大比重。」
意大利燈飾品牌FLOS創立於一九六二年，四十年間成為意大利燈飾名牌，全憑網羅了不少著名星級設計師，包括剛去世的名師AchilleCastiglioni、PhilippeStarck、MarcNewson、MarcelWanders和KonstantinGrcic等。
其中來自法國的PhilippeStarck最為港人熟悉，他為FLOS設計的燈飾更是世界聞名，不少外國酒店都選用Starck設計的燈飾，包括位於紐約的HudsonHotel，三藩市的CliftHotel和倫敦的SandersonHotel。
採訪：RitaLeung
攝影：ChanChiLam
髮型：RayMorkofTripleEdge
場地：灣仔Dentro