廣末涼子自從俾人話佢行為瘋癲之後，似乎低調咗好多，好少再出席公開場面，聽講佢怕咗啲記者喎！佢最近兩套日劇《所謂戀愛誰稀罕》同《父親大人》都成績麻麻，惟有接拍電影啦。廣末套新片《戀愛寫真》據聞內容有啲似新版《情書》，講有一日佢喺男友松田龍平面前忽然消失，去咗紐約之後每日不停寫信，希望同佢有番聯絡喎。