一年前香港富豪西部訪問團轟動一時，不過𠵱家已經冇晒聲氣，唯一喺訪問團提過出嚟而又有下文嘅，似乎就係「上海姑爺」羅康瑞，當面向朱總提議嘅「西部人才培訓計劃」，送西部幹部來香港企業實習一年，學市場經濟同現代企業管理。
噚日第一期訓練班15名學員見記者，大部份係副局級以上幹部。國家外國專家局局長萬學遠，向香港嘅公司動之以利，話西部將來好多億億聲嘅基建工程生意，西部幹部就最熟當地投資情況，香港公司訓練佢哋實有着數。羅康瑞話瑞安十幾年前已幫手培訓上海幹部，經瑞安訓練過嘅上海官員甚至成立咗「瑞安同學會」，睇佢喺上海發展如魚得水，就知培訓大陸幹部一定冇死。
（圖）羅康瑞（右）承認自己透過幫助培訓上海官員，建立良好關係。
傳真︰2623-9278
電郵︰