民間人權陣線周日嘅遊行為民主派打咗一口強心針。民主黨副主席李永達遊行完畢後，馬上同老婆去飲酒慶祝，佢同八方講，新主席楊森唔飲得，所以冇得共醉。
楊森就話自己叫足成日咪，喉嚨都冇事，不過黃成智企喺車上叫咗一陣口號，就聲都冇埋，而舊主席馬丁就好high，成日走嚟走去。總結今次行動，民主黨三巨頭都認為成績好令人振奮，特別係楊森千叮萬囑達仔同何俊仁，至少要號召到五百人參加，到最後，竟有成千人嚟咗，新主席都算有啲號召力。
星期日咁成功，各人都諗可以點乘勝追擊，包括去大專院校收番啲新會員，當然下次重要記得攞埋個錢箱去籌款，今次民間人權陣線籌咗十萬幾蚊。
（圖）楊森新上任，第一次出師就嗌足全場冇氣咳。
傳真︰2623-9278
電郵︰