阿松今次去南京，搞出唔少風風雨雨，不過噚日內地人民網大讚財爺南京之行，都算係阿松嘅意外收穫。
人民網嘅《香江客語》，讚阿松去南京坐經濟艙，表現出「自律的高尚風範」，顯示出喺龐大財赤之下，與市民同甘共苦嘅決心。可能內地行家唔知道，阿松今次坐乜嘢客位，香港傳媒一直不停追問，所以阿松可以話係被迫「慳家」。唉，八方睇佢重未諗到計解決財赤，惟有慳得就慳。不過阿松上個月訪英住嘅超豪酒店，最平都要港幣六千蚊一晚，慳多多張機票都補唔番啦。
講返阿松否認接受過《揚子晚報》訪問，談及同小伏嘅閨房樂，《揚子晚報》終由堅持冇錯，到軟化道歉，承認報道內容非阿松親口講，而係「根據有關媒體的報道演繹成文」。嘩！咁都得。
傳真︰2623-9278
電郵︰