昨晚《2002年勁歌金曲第四季季選》原本一對過氣情侶鄭秀文和許志安有機會同場，可是鄭秀文卻因哮喘復發而缺席，不知她是否有心避開安仔？
鄭秀文（Sammi）由於哮喘突然復發，昨日缺席於旺角新世紀廣場舉行的廣東大碟記者會，不過在場亦有fans等候。
而昨晚在無綫電視城舉行的《2002年勁歌金曲第四季季選》，Sammi原本極有機會和舊愛許志安同場，可是Sammi亦都冇到，不知她是否刻意避席？
華納中文唱片部總經理洪亮表示，Sammi現於家中休養，他昨日說：「由於佢有突發性哮喘，所以呢幾日嘅工作都會取消，加上醫生開咗特效藥畀佢食，食咗會有面腫嘅副作用，而且醫生叫佢唔好去人多嘅地方，所以Sammi唔會出席季選。」
對於有傳Sammi刻意避跟安仔碰頭，安仔昨日亦刻意到另外一間化妝間化妝，安仔說：「正常諗法都知唔會，我亦冇需要避，光明正大，做乜要避？大家唔好咁敏感。」安仔表示知道Sammi哮喘復發缺席《勁歌》，他說：「我知佢事前準備咗件靚衫出席。」問《勁歌》節目監製陳家倫是否刻意安排安仔與Sammi避免同時段出現，他說：「Sammi一早講咗如果嚟都要早走，佢今日（即昨日）已通知唔舒服唔嚟得。」
此外，有傳馬浚偉的得獎歌曲《糟蹋》原本由Twins的《風箏與風》獲得，陳家倫說：「賽果一早安排好，Twins首歌可以競逐《勁歌》總選。」
採訪、攝影：李珮洳
《掌紋》–郭富城
《失戀王》–陳小春
《情毒》–陳慧琳
《笑中有淚》–楊千嬅
《爭氣》–容祖兒
《人來人往》–陳奕迅
《高妹正傳》–梁詠琪
《糟蹋》–馬浚偉
《相信自己》–鄭秀文
《愛不釋手》–李克勤
《女人之苦》–許志安
《華麗緣》–葉蒨文