四十六歲夜更保安員陳振朝日前在家中猝死，遺下孤兒寡婦頓失所依，還要為籌措殮葬費傷神。蘋果日報慈善基金即時撥款，助陳振朝遺孀余女士辦理亡夫身後事。
記者踏進陳家，感到瀰漫着一片愁雲慘霧。「阿朝不嬲好少病痛，有時覺得個胃唔舒服，去藥房買樽胃藥食兩粒就好快冇事。嗰日阿朝精神麻麻，以為只係感冒凍親或者返工太攰，所以請病假休息就算，冇去睇醫生。點知當晚阿朝無端端成個人抽筋得好犀利，我即刻打電話叫白車，但去到醫院阿朝已經救唔番，連一句話都冇講就去咗！」余女士傷心地憶述丈夫臨終時情況。陳振朝的死因有待法醫官驗屍確定。
余女士與陳振朝婚後育有兩名女兒。三十歲的余女士說，丈夫阿朝原經營酒吧，惜兩年多前因經濟不景被迫將酒吧結束，及後一直失業，半年前方覓得停車場夜更保安員工作，日夜生活顛倒，月入僅七千元，勉強夠應付家計。
如今丈夫猝死，遺下余女士帶着一對年僅五歲及六歲女兒傷心欲絕，彷徨無助。「兩個女知道以後冇法子再見到佢哋爸爸，都好唔開心，一見到我喊，兩個女喊得更加犀利……我哋真係好難接受阿朝突然死咗。」余女士含淚說。
刻下，余女士更為缺錢支付亡夫的殮葬費而憂心忡忡。「我打算幫阿朝火葬，但我冇積蓄，得一個阿哥喺鄉下，男家幾個喺香港嘅親戚又各有家庭負擔，所以好難籌到錢應急！」至於日後與一對女兒的生計，余女士已向社會福利署申請綜援金，仍有待當局審批。
蘋果日報慈善基金了解余女士的苦況後，即時從「殮葬專戶」撥款二萬元，助她支付亡夫殮葬費，以及應付短暫生活急需。
捐款編號：C0774
為援助經濟緊絀家庭辦理殮葬事宜，蘋果日報慈善基金特設「殮葬專戶」，減輕有需要人士在殮葬費方面的負擔。請讀者繼續捐款支持。
捐款編號：C0339
暖流熱線
電話：29908688
傳真：23702192
電郵：
網址：