劉鑾雄家族以工業起家，隨着83年愛美高上市，業務焦點轉至地產及股市，劉氏家族的工業背景漸被淡忘。十多年後的今天，「細劉」劉鑾鴻部署從事壓鑄業務的私人公司科鑄技術（2302）上市。劉鑾鴻說，投資工業最重要有三點：專注、人才及競爭優勢。
劉氏家族以生產風扇起家，兼任科鑄主席的華人置業（127）主席劉鑾鴻接受本報訪問時說，家族在工業的投資範疇極廣，曾涉足電腦、燈飾、甚至皮草等工業，更曾在日本買了一家造火水暖爐的工廠，過往數年由於地產市道暢旺，故地產業務的比重較高，但劉氏昆仲並沒有停止投資工業。除了科鑄外，劉鑾鴻表示，家族現時尚投資電子業。
至於為何投資科鑄，劉鑾鴻說：「我投資的理念很簡單，就係管理人才得唔得，班人係咪做嘢，然後係嗰個行業有無前景……科鑄做了壓鑄十多年，總裁曾昭偉做壓鑄超過二十年，副行政總裁江爵煖做工業營運及市場推廣也超過二十年。」
雖然對科鑄寄予厚望，但劉鑾鴻深知其發展規模有多大，「我希望科鑄應該係十零億市值公司，一年賺番一億幾千萬，我覺得就差唔多，我唔期望科鑄好似Johnson（德昌電機，179）一百幾十億，呢一類公司（科鑄）唔係嗰類，但佢有個位置，你話科鑄可以值幾十億、一百億，我就喺度呃你」。
劉鑾鴻一直有投資工業股，並認為成功的工業都有一條黃金定律，「標準好簡單：專注，專注在你的生意；你自己的管理要強；你有無競爭優勢，或是行頭的領導者，或你掌握有一定的製造技術（productionknow-how）」。
劉鑾鴻認為，本港工業始終有得做，尤其是有背靠大陸的優勢。而且工業家的拼搏精神也值得嘉許，「你見到啲廠家，就算911生意差，又話停單，又話取消單，這班人已經懂得適應環境，所以你見呢次班廠家，無人有乜嘢投訴，有投訴，咪一樣要照做，照搵錢，只係搵得辛苦一點。」