早前，亞Mark曾經同大家提過，話德國歐寶代理有意引入Speedster雙門跑車，跟英國蓮花Elise抗衡，惟因為廠方未能配合亞洲市場需要加置冷氣嘅關係，而只有被迫告吹。然而，最近聽聞代理嘅福方汽車有新CEO入主嘅緣故，作為歐寶品牌Image嘅Speedster，可望落實抵港，而且重會係明年上半年㖭！呢部雙門開篷跑車，一台2.2公升直4偈有147匹馬力輸出，絕對可媲美蓮花Elise之餘，聽聞代理重會考慮引入一部至Top配有Turbo偈嘅Speedster咁話，若然屬實的話，就真係跑車迷之福喇！有興趣嘅朋友，不妨向代理查詢吓喇！而早前我哋嘅四眼編輯，更遠赴德國實地測試過部Speedster㖭！佢重話部車好玩到唔想停，重有唔錯操控性咁話，究竟係咪咁正？大家不妨拭目以待呢部Speedster嘅來臨喇！