唔好以為所有日本人都當歷史冇到，噚日一早嚟咗香港訪問一天，載住五百個日本師生嘅郵輪─「日本和平船」，目的就係為咗了解二次大戰嘅史實，同戰爭受害人建立和平友誼。
日本師生代表重喺船上同香港維護二戰史實聯席會議成員會面，八方問有份出席嘅立法會議員何俊仁，佢話，今次上船係要表達香港反戰團體嘅憂慮，不滿日本文部省批准出版篡改日本史實、淡化日本戰爭罪行嘅教科書。佢又話，今年撞正南京大屠殺六十五周年，正好同啲日本師生講吓呢段慘痛歷史。
聽何俊仁講，原來呢艘船其實係一間海上學府，啲學生用三個月時間一邊環遊世界，一邊上課，架船下一站會去越南。
（圖）何俊仁（左）向來自日本嘅學生握手示好。
傳真︰2623-9278
電郵︰