神州數碼前晚喺香港會議展覽中心搞聖誕音樂會，請咗ThePlatters呢隊老牌樂隊嚟大唱懷舊情歌。聽講以前開親舞會，Platters嘅歌曲一定唔少得，一聽到《SmokeGetsinYourEyes》，大家就會馬上起舞，唔使三催四請。
唔怪得嗰晚咁多城中要人到場聽歌啦！除咗寶baby李國寶同太太潘金翠到場，任志剛同太座、葉澍堃、蘇澤光、霍建寧同梁伯韜佢哋同太太都嚟齊晒，不過最值得一提嘅就係警務處一哥曾蔭培。
一哥坐喺前排，一路都聽得好投入，唔知係咪有人通水，位女歌手竟然識得請呢位嘉賓上台合唱一曲。一哥亦非常大方，上台又唱又跳，有得聽歌又有得玩，真係值回票價！下次警隊開party，就記得請一哥唱番幾首歌喇。
（圖）一哥俾ThePlatters女歌手邀請上台玩。
傳真︰2623-9278
電郵︰