由灣仔地鐵站到會展再連到鷹君中心等商廈嘅天橋，係該區嘅大動脈，每日成千上萬人行過，包括遊客、白領、參與國際展覽嘅各國商家等。
灣仔民政事務處決定揼本為呢條「大動脈」扮靚靚，嚟緊由十二月到明年二月，會為天橋裝上五光十色嘅燈飾，以吸引多啲人去灣仔，促進經濟。噚日打響頭炮嘅「灣北美食樂逍遙」，揀咗灣景中心嘅美食區「三里屯」對出空地上搞。睇嚟真係花心思，又舞龍又舞獅，重有古裝人物抬轎比賽㖭。
（圖）呢隊參加者，扮唐僧四師徒及鐵扇公主（左三），又幾過癮喎。 李家皓攝
傳真︰2623-9278
電郵︰