如果大家有留意開我哋《車天車地》版的話，相信重記得早前我哋嘅特派記者，曾遠赴西班牙為全新保時捷Cayenne作實地測試；而響剛過去嘅星期四，代理方面更特別運來一部CayenneTurbo抵港，並假上環某餐廳舉行隆重嘅新車發布會㖭！當日會場布置到好似野外森林咁，夠晒特別之餘，而且重好切合Cayenne嘅個性；另外，雖然率先抵港作展出嘅CayenneTurbo只係左軚型號，但與快將抵港嘅型號一樣，配有一台4.5公升V8Turbo引擎，馬力輸出高達450匹，加上各項先進配備，絕對可稱得上係四驅SUV嘅巔峯之作。
而售價方面，CayenneTurbo嘅車價約為$1,280,000，另外重有普通版嘅CayenneS畀你揀㗎！有興趣嘅朋友，可到保時捷陳列室查詢一下。